balita 06

Krisis sa Pandaigdigang Ekonomiya at ang Epekto sa OFW

Dahil sa sunod-sunod na mga kaguluhan at trahedya sa iba't-ibang bansa, ang ating ekonomiya maging ang pandaigdigan ekonomiya ay unti-unting humihina o bumabagsak. Ang ating mga OFW ang pinakaapektado sa ganitong pangyayari sapagkat sila ang ating mga manggagawa na siyang tinatawag nating prodyuser. Unti-unti ng nawawalan ng trabaho ang ating mga OFW dahil sa mga pangyayaring ito ay napipilitan silang umuwi ng Pilipinas at iwanan ang kanilang trabaho. Hirap sila na magsimula ng bagong buhay dito dahil paghahanap pa lang ng trabaho ay napakahirap na. Mapalad sila kung makahanap sila pero maliit naman o di kaya ay hindi sapat ang kanilang kinikita para matustusan ang pangangailan ng kanilang pamilya. Hindi lang ang ating mga OFW ang naapektohan sa krisis na ito maging ang ating mga ordinaryong kababayan ay apektadong apektado rin lalo na sa pagtaas ng mga presyo ng bilihin dahil hindi naman tumataas ang kanilang kinikita upang mabila ang lahat ng kanilang pangangailangan sa pang-araw-araw. Ang krisis na ito ay isang pagsubok para sa atin kung paano natin makakayanan ang mga pagbabago at kakulangan sa mga pangangailangan. Sa pamamagitan din nito ay masusubukan natin kung paano tayo magiging malikhain sa pagkonsumo ng ating mga mapagkukunan.